Қазақ қызына ғашық болған жігіт қазақ, бірақ ол Еуропадан келді. Ол Индияда туып өсті, кейін Англияға ауысып, сол жерде тұрып жатыр. Қыздың  аты Ажар болсын, ал жігіттің аты Айтан делік.  Айтан өзіне қалындық іздеп Туркияға барады, түрк тілін үйренеді, енді Қазақстанға келіп, қазақша үйреніп жүр. Айтанның мінез құлқын Индия, Англия, Туркия қалыптастырды, сондықтан ол европалық  мінезді екені көрінеді,  бірақ ол өзін қазақпын деп сезінеді. Қазақша жетіл білмегенін, ол жасырады, бірақ байқап, қарап, тыңдап жетілдіріп жүр.

Ажар Чимкетте туып, Қызыл-Ордада өсіп, енді Астанада тұрып жатыр. Орысша, қазақша жетіл біледі. Онымен қатар оның бойында таза қазақ қыздың мінез қылықтары айқын көрініп тұр. Мүмкін Абайдың сипаттаған Айгерімі сондай  ма еді, бірақ Ажармен сөйлескен жігіттің, Ажардың қабағының ойынына, көз астынан қарағанына, сөйлегенде балаша ерінін жиып, кулкін жасырып, басын көтергенде еркелігі анқып тұрғанына елжіреп, сүйсініп, ғашық болатыны сөзсіз.

Бұл қыз жігітсіз қалмайды, бірақ оның жүрегін Айтан жаулап алмақшы. Қазақ дәстүрінде жігітпен қызға көмек ететін жеңгесі бар емес пе. Жігітке мен жеңге болайын десем, тәжірибем жоқ, не бір үлгі алатын адамым жоқ екен.  Оған қоса, мен Совет дәуірінде орыс тәрбиесін көргенмін, қазақ қыздың қылығына сүйсінсем де, мен, өкінішке орай,  ондай қылықты болған жоқпын, менім бойымда көбіне комсомолдық мінез басым болды.

Енді мен қатты ойланып қалдым, қыздың қылығын қалай Айтан түсінсін, қандай басқа қазақ қыздың қылығы болуы мүмкін,  оларға қандай жауап беруге болады, қандай әрекет жасауы тиісті? Не істесе де, ол дөрекел мінезден аулақ болу керек, сондықтан оған былай істеу дөрекелдік, былай істеу дұрыс деп түсіндіру керек. Түбінде ол Ажарды өзіне ғашық етуі , ата – анасының батасын алатындай жігіт болуы – мақсат!

Қазақтың ұл – қыздары, ханымдары мен мырзалары, қазақтыққа қайтам деген Батыстан келген ер баланы қандай қазақшалыққа қайтарамыз, қандай қылық үйретеміз деп, сіздерден көмек сұраймын. Осы жерге жазғандарыңызды Айтан оқиды, ал Ажар оны әлі білмейді, Айтанға көмек етулеріңізді сұраймын!